बाढीपहिरोका कारण ताप्लेजुङ यातायात र सञ्चार सुविधाबाट बन्चित, ५० करोडको क्षति

गतिविधिहरु

गृहपृष्ठ
गतिविधिहरु
बाढीपहिरोका कारण ताप्लेजुङ यातायात र सञ्चार सुविधाबाट बन्चित, ५० करोडको क्षति

बाढीपहिरोका कारण ताप्लेजुङ यातायात र सञ्चार सुविधाबाट बन्चित, ५० करोडको क्षति

सोमबार, असार ४, २०८० निर्माणपाटी संवाददाता

काठमाडौं। भौतिक पूर्वाधार तथा यातायातमन्त्री प्रकाश ज्वालाले शनिबार परेको अविरल वर्षापछि आएको बाढीपहिरोका कारण ताप्लेजुङ यातायात सेवा र सञ्चार सुविधाबाट बन्चित रहेको जानकारी दिएका छन् ।

आइतबार बसेको प्रतिनिधिसभा बैठकमा उनले बाढीपहिरोका कारण सडक र पुलमा भएका क्षतिका कारण ताप्लेजुङ यातायात सेवा र सञ्चार सुविधानबाट बन्चित हुन पुगेको जानकारी दिए ।

बाढीपहिरोले हेवा खोलाको पुल र तमोर करिडोरको बेलिब्रिज भत्काएसँगै ताप्लेजुङ यातायात सेवाबाट बन्चित भएको जानकारी दिएका उनले मेची राजमार्गको हेवा खोलाको करिब ४६ मिटर पुल बगाउँदा सो राजमार्ग अवरुद्ध हुन पुगेको बताए ।

यीसहित विभिन्न स्थानको बाटो र पुल भत्किँदा ५० करोड बराबरको क्षति भएको र १० दिनभित्र सक्ने गरी बेलिब्रिज निर्माणकोको काम थालिएको उनले बताए ।
साथै सडक र पुल निर्माण र अवरुद्ध सडक खुलाउने निर्देशन दिइएको उनले बताए ।

प्रकाशित मिति: सोमबार, असार ४, २०८० ०७:३१

प्रतिक्रिया दिनुहोस्