ट्राफिक नियम उल्लङ्घन गर्नेलाई भक्तपुरमै सचेतना कक्षा

गतिविधिहरु

गृहपृष्ठ
गतिविधिहरु
ट्राफिक नियम उल्लङ्घन गर्नेलाई भक्तपुरमै सचेतना कक्षा

ट्राफिक नियम उल्लङ्घन गर्नेलाई भक्तपुरमै सचेतना कक्षा

सोमबार, असार ४, २०८० निर्माणपाटी संवाददाता

भक्तपुर। भक्तपुरमा ट्राफिक नियम उल्लङ्घन गर्नेलाई भक्तपुरमै सचेतना कक्षा लिन पाउने व्यवस्थालको थालनी भएको छ । जिल्ला टाफिक प्रहरी कार्यालय भक्तपुरको आयोजनामा आइतबार भक्तपुरमा भएको एक कार्यक्रममा यस्तो व्यवस्थाको सुरुवात गरियो ।

यो व्यवस्थाले काठमाडौं गएर जरिवाना तिर्नुपर्ने र कक्षा लिनुपर्ने बाध्यात्मक व्यवस्था रहेकोमा कारबाहीमा पर्ने सवारी चालकले भक्तपुरमै जरिवाना तिर्न र कक्षा लिन पाउने भएका हुन् । मादक् पदार्थ सेवनबाहेक लेन अनुशासन, रातो बत्ती र तीब्र गतिका कारण कारवाहीमा पर्ने चालकका लागि यस्तो व्यवस्था गरिएको जनाइएको हो । मापसेमा पर्नेले भने उपत्यका ट्राफिक प्रहरी कार्यालय रामशाहपथ पुगेर सचेतना कक्षा लिनुपर्ने व्यवस्था कायमै रहेको जनाइएको छ।

जिल्लामै जरिवाना तिर्न र कक्षा लिन पाउने व्यवस्थाले चालकलाई पायक पर्ने र समय व्यवस्थापनमा सहज हुने विश्वास बताइएको छ ।

जिल्ला ट्राफिक प्रहरी कार्यालय भक्तपुरका कार्यालय प्रमुख प्रहरी निरीक्षक राजु कार्कीले ट्राफिक कारवाहीमा परेका चालकलाई भक्तपुरमै सचेतना कक्षा संचालन हुने कुराले जिल्लाबासीलाई सहज बनाउने विश्वास व्यक्त गरे ।

प्रकाशित मिति: सोमबार, असार ४, २०८० ०८:३२

प्रतिक्रिया दिनुहोस्