भरतपुर अस्पतालको सिटी स्क्यान बिग्रिदा सेवा प्रभावित

प्रविधि

गृहपृष्ठ
प्रविधि
भरतपुर अस्पतालको सिटी स्क्यान बिग्रिदा सेवा प्रभावित

भरतपुर अस्पतालको सिटी स्क्यान बिग्रिदा सेवा प्रभावित

बुधबार, साउन १०, २०८० निर्माणपाटी संवाददाता

चितवन। भरतपुर अस्पतालमा सिटी स्क्यान सेवा बन्द हुँदा सेवा प्रभावित भएको छ। अस्पतालले एक सूचना जारी गर्दै मेसिनको सफ्टवेयर र हार्डवेयरमा समस्या आएकाले केही दिनका लागि सेवा बन्द हुने जानकारी गराएको हो।

सिटी स्क्यान मेसिन उपलब्ध गराउने हस्पिटेक इन्टरप्राइजेज प्रालिसँग मेसिनको वार्षिक मर्मत तथा विस्तृत मर्मतको सम्झौता अवधि (४ साउनसम्म) सकिएको चार दिनपछि मेसिन बिग्रिएको हो। मेसिनको ग्राफिक्स कार्डमा नै समस्या आएको अस्पतालका बायोमेडिकल इन्जिनियर तुलसी खनालले बताए।

अस्पतालको सिटी स्क्यान मेसिनबाट दैनिक ४०-५० जना बिरामीले सेवा लिँदै आएका थिए। २०७४ जेठमा ६ करोड ४७ लाख रूपैयाँ खर्चिएर खरिद गरिएको सिटी स्क्यान मेसिन वारेन्टी समय सकिएको पाँच महिनामै बिग्रिएको हो।

मेसिनमा पटकपटक समस्या आएपछि अस्पतालले सिटीस्क्यान सप्लाई गर्ने कम्पनीलाई नै बर्षको ५० लाख दिने गरेर मर्मत सम्भारसम्बन्धी सम्झौता गरेको थियो। सिटी स्क्यान मेसिनका नाममा अस्पताललाई बर्षोसम्म कम्पनीले ‘दुहुनो गाई’ बनाएको भन्दै अस्पताल भित्रै आलोचनासमेत हुँदै आएको छ।

प्रकाशित मिति: बुधबार, साउन १०, २०८० १४:४५

प्रतिक्रिया दिनुहोस्