जितपुरमा आरएमसी समूहको खाद्यान्न उद्योग बन्दै,९ महिनाभित्रै संचालनमा आउने

भवन तथा शहरी विकास

गृहपृष्ठ
भवन तथा शहरी विकास
जितपुरमा आरएमसी समूहको खाद्यान्न उद्योग बन्दै,९ महिनाभित्रै संचालनमा आउने

जितपुरमा आरएमसी समूहको खाद्यान्न उद्योग बन्दै,९ महिनाभित्रै संचालनमा आउने

आइतबार, मंसिर १२, २०७८ निर्माणपाटी संवाददाता

वीरगंज। व्यापारिक घराना आरएमसी समूहको करिब एक अर्ब लगानीको खाद्यान्न उद्योगको निर्माण काम धमाधम भइरहेको छ। वीरगंज-पथलैया औद्योगिक करिडोरको जितपुर सिमरा-८ लोहसान्डा रमौली (ईमलीप्रति) मा उक्त उद्योग निर्माण भइरहेको हो।

बिसं २०६७ मा समूहले किनेको करिब साढे १० बिघा क्षेत्रफलमा उक्त उद्योगको निर्माण कार्य शुरु भएको छ। निर्माणकर्ता कम्पनीका प्रबन्ध निर्देशक सन्जय श्रीवास्तवका अनुसार ९ महिनामा परियोजना सम्पन्न गर्ने लक्ष्यका साथ वीरगंजको बालाजी कन्स्ट्रक्सन प्रालिले दुई महिनादेखि उद्योग निर्माणको काम सुरु गरेको हो।

अहिले प्रारम्भिक चरणको काममा हस्क यार्न, बोइलर, पर्खाल तथा ट्यांकी निर्माणको काम भइरहेको उनले जानकारी दिए। प्रशोधित खानेतेल उत्पादनको मुख्य लक्ष्यसहित निर्माणाधीन उद्योगबाट पछि चामल, दाल, पिना लगायत पनि प्रशोधन र प्याकेजिङका काम हुनेछन्।

हाल सोयाविन, सनफ्लावर, पाम तेल प्रशोधन गर्ने प्लान्ट सेटअपको काम भएको प्राविधिकहरुले बताएका छन्। दैनिक ६० देखि सयजना कामदार उद्योग निर्माणमा खटिएका छन्।

प्रकाशित मिति: आइतबार, मंसिर १२, २०७८ १२:०५

प्रतिक्रिया दिनुहोस्