काठमाडौं। काठमाडौंका विभिन्न स्थानमा बुधबार बिजुली कटौती भएको छ। भूमिगत प्रसारण लाइनविस्तारका लागि बिजुली कटौती भएको हो।
रत्नपार्क वितरण केन्द्र मातहतका विभिन्न स्थानमा बिहान ६ः३० देखि ११ बजेसम्म लाइन काट्ने नेपाल विद्युत् प्राधिकरणले निकालेको सूचनामा उल्लेख गरिएको छ।
रत्नपार्क वितरण केन्द्रअन्तर्गत महाबौद्ध फिडरअन्तर्गत पर्ने न्यूरोड गेट, रञ्जना हल, विशालबजार सवस्टेशनभित्र, विशाल बजार अगाडि, गणेशस्थान, ट्रमा सेन्टरसम्मको केबल हेडसम्मको स्थानमा ११ बजेसम्म विद्युत अवरुद्ध हुने जनाएको हो।
यसैगरी, रत्नपार्क बगैचा, भोटाहिटी साझा भण्डार, असनचोक, बाङ्गेमुढा, भेडासिंह, इन्द्रचोक, सुर्ज आर्केड, मसला गल्लीमोड, लैनचौर सब–स्टेसनबाट लैनचौर चोक उपराष्ट्रपति कार्यालय, केशरमहल दरबारमार्ग ट्राफिक कार्यालय, पुरानो जय नेपाल हल, हात्तीसार चोक, काठमाडौँ प्लाजा, मेरियट होटल, नागपोखरी र नारायणचौरसम्म बिजुली बन्द गरिने सुचनामा उल्लेख गरिएको छ।
