गोर्खा। निर्माण व्यवसायी संघ गोर्खाको अध्यक्ष पदमा सुर्य भण्डारी निर्वाचित भएका छन्। निर्माण व्यवसायी संघ गोर्खाको २३ औं वार्षीक साधारण सभा र १० औं जिल्ला अधिवेशनबाट अध्यक्षमा भण्डारी निर्वाचित भएका हुन्।
अध्यक्ष पदमा होम बहादुर वानिया र सुर्य भण्डारीवीच प्रतिस्पर्धा भएको थियो। होम वहादुर वानियाले ९८ मत प्राप्त गरेका थिए भने, सुर्य भण्डारीले १३४ मत प्राप्त गरेर विजयी भएका हुन्।
एक अध्यक्षका साथै ११ जना सदस्य निर्वाचित भएका छन्। सदस्यहरुमाः भोला प्रसाद मरहट्ट, राजुबाबु लामिछाने, किरणबाबु श्रेष्ठ, सविन वस्नेत, देवराज गुरुङ, सुरेन्द्र बस्नेत, दिनेश तमु, विनोद खनाल, दलमान गुरुङ, तारा खड्का र दिपक थापा रहेको निर्माण व्यवसायी संघ गोर्खाका पूर्व अध्यक्ष बाबुराम श्रेष्ठले जानकारी दिए। उनका अनुसार अबको पहिलो बैठक बसेर ४ जना मनोनित सदस्य छानिने छन्।
भण्डारीले आफूलाई मत दिने मतदाता र सम्पूर्ण निर्माण व्यवसायीलाई धन्यवाद दिदैँ निर्माण व्यवसायमा वर्तमान समयमा भएका समस्याको खोजी गरी समाधानको उपाय खोज्ने मुख्य एजेण्डा रहेको बताए।
भण्डारीले दुर्गम जिल्लामा रहेको साना व्यवसायीलाई उत्थान गर्ने जानकारी दिए। २ करोड भन्दा कम लगानीका निर्माण व्यवसायी धरापमा परेको भन्दै उनीहरुको उत्थान गर्ने उनले प्रतिबद्धता व्यक्त गरे। उनले भने, ‘निर्माण व्यवसाय के हो? भन्ने कुरा नबुझी व्यवसायीहरु अगाडी बढेका छन्, त्यस्ता व्यवसायीलाई चेतनाको अभिबुद्धी गर्ने छु’
