काठमाडौँका विभिन्न स्थानमा चार दिन विद्युत् सेवा अवरुद्ध

ऊर्जा, सिंचाई तथा जलस्रोत

गृहपृष्ठ
ऊर्जा, सिंचाई तथा जलस्रोत
काठमाडौँका विभिन्न स्थानमा चार दिन विद्युत् सेवा अवरुद्ध

काठमाडौँका विभिन्न स्थानमा चार दिन विद्युत् सेवा अवरुद्ध

बुधबार, माघ १६, २०८१ निर्माणपाटी संवाददाता

काठमाडौं । काठमाडौँका केही स्थानमा मंगलबारदेखि चार दिनसम्म दैनिक पाँच घण्टा विद्युत् सेवा अवरुद्ध हुने भएको छ।

नेपाल विद्युत् प्राधिकरणका अनुसार गोठाटार, मातातीर्थ, केएमसी अस्पताल, पुरानो एयरपोर्ट, कुलेश्वर, बानेश्वर लगायतका ठाउँमा विद्युत् अवरुद्ध हुने भएको हो। गोठाटार (जोरपाटी) फिडरअन्तर्गत मानटार चोक क्षेत्रमा मंगलबार बिहान ११ बजेदेखि दिउँसो ४ बजेसम्म विद्युत् अवरुद्ध भएको हो।।

त्यसैगरि बुधबार मातातीर्थ (कुलेश्वर) फिडर अन्तर्गत मातातीर्थ वरिपरिका क्षेत्र, बिहीबार शंखमूल फिडर (बानेश्वर) अन्तर्गत दोभान पुल वरिपरिका क्षेत्रमा विद्युत् आपूर्ति बन्द हुनेछ।

शुक्रबार केएससी र पुरानो एयरपोर्ट फिडर (बानेश्वर) अन्तर्गत आलोकनगर वरिपरिका क्षेत्रमा पाँच घण्टा विद्युत् अवरुद्ध हुने प्राधिकरणले सूचना प्रकाशित गरेर जानकारी दिएको छ।

कुलेश्वर, बानेश्वर, जोरपाटी र कीर्तिपुर वितरण केन्द्र अन्तर्गतका विद्युतीय वितरणलाइन भूमिगत गर्ने कार्यको लागि विद्युत् आपूर्ति बन्द गर्न लागेको प्राधिकरणले जनाएको छ।

प्रकाशित मिति: बुधबार, माघ १६, २०८१ २२:१७

प्रतिक्रिया दिनुहोस्