काठमाडौंलाई विश्वकै सुन्दर र उत्कृष्ट नगर बनाउँछु : नवनिर्वाचित मेयर बालेन

राष्ट्रिय

गृहपृष्ठ
राष्ट्रिय
काठमाडौंलाई विश्वकै सुन्दर र उत्कृष्ट नगर बनाउँछु : नवनिर्वाचित मेयर बालेन

काठमाडौंलाई विश्वकै सुन्दर र उत्कृष्ट नगर बनाउँछु : नवनिर्वाचित मेयर बालेन

शुक्रबार, जेठ १३, २०७९ निर्माणपाटी संवाददाता

काठमाडौं। काठमाडौं महानगरपालिकाका नवनिर्वाचित मेयर बालेन्द्र साहले अबको ५ वर्षमा आफ्नो भिजन र एजेन्डाहरूलाई पूर्ण रूपमा कार्यसम्पन्न गर्ने प्रतिवद्दता व्यक्त गरेका छन्।

शुक्रबार विहान निर्वाचन अधिकृत कार्यालयद्वारा आयोजित बधाई तथा शुभकामना कार्यक्रममा साहले आफूले काठमाडौं महानगरपालिकालाई विश्वस्तरीय बनाउन चाहेको बबताएका हुन्।

उनले भने, हामी सबै मिलेर अब काठमाडौंलाई देशको मात्र नभएर विश्वकै सुन्दर र उत्कृष्ट नगर बनाउन सबैले सहकार्य गर्नेछौं भन्ने आशा राखेका छौं।’

आफूले निर्वाचनको परिणामलाई एउटा सुरूवातको रूपमा लिएको साहले बताए।

‘आजबाट हामीले एउटा सुरूआतको रूपमा लिएका छौं। निर्वाचनको परिणाम जुन आएको छ। यसलाई हाम्रो विजय भन्दा पनि हाम्रो कार्यको सुरूवात हुनेछ’, उनले भने, ‘अबको ५ वर्षमा आफ्नो भिजन र एजेन्डाहरूलाई पूर्ण रूपमा कार्यसम्पन्न गर्ने हाम्रो धारणा रहेको छ।’

उनले काठमाडौं महानगरलाई नै एउटा परिवारको रूपमा लिएको बताए । ‘काठमाडौं महानगर परिवारको रूपमा रहेको छ। सधै परिवार नै थियो र परिवारनै रहनेछ’, उनको भनाइ छ ।

प्रकाशित मिति: शुक्रबार, जेठ १३, २०७९ १२:०३

#बालेन

प्रतिक्रिया दिनुहोस्