सुकेटार विमानस्थलः एक महिनादेखि उडान अवरुद्ध

पर्यटन तथा हवाई उड्डयन

गृहपृष्ठ
पर्यटन तथा हवाई उड्डयन
सुकेटार विमानस्थलः एक महिनादेखि उडान अवरुद्ध

सुकेटार विमानस्थलः एक महिनादेखि उडान अवरुद्ध

आइतबार, असार ५, २०७९ निर्माणपाटी संवाददाता

काठमाडौं। ताप्लेजुङको सुकेटार विमानस्थलमा एक महिनादेखि उडान अवरुद्ध भएको छ। निरन्तर वर्षा र तुँवालोले गर्दा हवाई उडान अवरुद्ध हुँदै आएको हो।

बाक्लो तुँवालो र निरन्तर वर्षाका कारण उडान अवरुद्ध हुन पुगेको नेपाल वायुसेवा निगम ताप्लेजुङले बताएको छ। पछिल्लो केही दिनयता ताप्लेजुङमा निरन्तर वर्षा भइरहेको छ।

निरन्तर वर्षा र बादलसँगै प्रतिकूल मौसम कायम रहेकाले उडान निरन्तर अवरुद्ध हुँदै आएको निगमले जनाएको छ। प्रतिकूल मौसमका कारण गत जेठ २ गतेदेखि विमानस्थलमा उडान अवरुद्ध भएको हो। मौसममा सुधार नआएसम्म उडान सम्भव नभएको निगमले जनाएको छ।

सुकेटारमा साताको सोमबार, बुधबार र शुक्रबार तीन दिन काठमाडौँ–ताप्लेजुङ नियमित उडान तालिका रहेको छ। तर प्रतिकूल मौसम भएसँगै अहिले उडान अवरुद्ध भएको छ। लामो समयसम्म उडान अवरुद्ध हुँदा प्रत्यक्षरूपमा यात्रुलाई मार परेको निगमले बताएको छ।

प्रकाशित मिति: आइतबार, असार ५, २०७९ ०९:४५

#विमानस्थल

प्रतिक्रिया दिनुहोस्