ट्र्याक्टरको लोडपिन भाँचिएर दुर्घटना हुँदा तीन जनाको मृत्यु, ६ जना गम्भीर घाइते

अन्य

गृहपृष्ठ
अन्य
ट्र्याक्टरको लोडपिन भाँचिएर दुर्घटना हुँदा तीन जनाको मृत्यु, ६ जना गम्भीर घाइते

ट्र्याक्टरको लोडपिन भाँचिएर दुर्घटना हुँदा तीन जनाको मृत्यु, ६ जना गम्भीर घाइते

आइतबार, असार २६, २०७९ निर्माणपाटी संवाददाता

काठमाडौं। सङ्खुवासभाको चैनपुर नगरपालिका–१० मा ट्र्याक्टर दुर्घटना परेर मृत्यु हुनको सङ्ख्या तीन पुगेको छ। शुक्रबार दिउँसो मलामी बोकेर फर्किदै गरेको को२त ३९६१ ट्र्याक्टर पल्टिएर ट्र्याक्टर खाँदबारी–लेगुवा सडकखण्डको दुम्कटामा दुर्घटनामा परेको थियो।

ट्र्याक्टर दुर्घटनामा परेर मृत्यु हुनेको सङ्ख्या तीन पुगेको इलाका प्रहरी कार्यालय चैनपुरका प्रहरी निरीक्षक मिलन बस्नेतले जानकारी दिए। मृत्यु हुनेमा चैनपुर नगरपालिका–१० का २४ वर्षीय गङ्गाबहादुर तामाङ र चैनपुर नगरपालिका–९ का वर्षीय ४६ को केशव कार्की र ६६ वर्षीय खड्गबहादुर भण्डारी रहेको प्रहरी निरीक्षक बस्नेतले बताए।

६६ वर्षीय भण्डारीको गए राति उपचारका क्रममा धरानस्थित बिपी कोइराला स्वास्थ्य विज्ञान प्रतिष्ठान धरान मृत्यु भएको प्रहरी निरीक्षक बस्नेतले बताए। दुर्घटनापछि घाइते भएका तामाङ र कार्कीको मनकामना सामुदायिक अस्पताल तुम्लिङटार उपचारका क्रममा मृत्यु भएको थियो। दुर्घटनामा परेर गम्भीर घाइते भएका छ जनालाई मनकामना सामुदायिक अस्पताल तुम्लिङटार उपचार हुन नसकेपछि थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठान धरान पठाइएको छ।

प्रकाशित मिति: आइतबार, असार २६, २०७९ ०८:०७

#ट्र्याक्टर

प्रतिक्रिया दिनुहोस्