इनार खन्दा निस्किन थालेको मिथेन ग्याँस १७ घण्टापछि रोकियो

ऊर्जा, सिंचाई तथा जलस्रोत

गृहपृष्ठ
ऊर्जा, सिंचाई तथा जलस्रोत
इनार खन्दा निस्किन थालेको मिथेन ग्याँस १७ घण्टापछि रोकियो

इनार खन्दा निस्किन थालेको मिथेन ग्याँस १७ घण्टापछि रोकियो

बुधबार, साउन ४, २०७९ निर्माणपाटी संवाददाता

काठमाडौं। काठमाडौंको गोकर्णेश्वर नगरपालिका–५ जोरपाटीमा इनार खन्दा निस्किन थालेको मिथेन ग्याँस १७ घण्टापछि रोकिएको छ। मंगलबार बिहानदेखि निस्किएको मिथेन ग्याँससहितको लेदा आज बिहान मात्र रोकिएको हो।

आज बिहान ३ बजेदेखि ग्याँससहितको बालुवा र माटोको मुस्लो निस्किन बन्द भएको नगरपालिकाका मेयर दीपक रिसालले जानकारी दिए । त्यहाँ ट्यांकर पठाएर सरसफाइ गर्न थालिएको छ।

लोसेटारस्थित सन्त कुमार लामाको घरमा बोरिङ खन्ने क्रममा मंगलबार बिहान १० बजेदेखि ग्याँससहित माटो र पानीको फोहोरा निस्किएको थियो ।

ग्याँस निस्किएको सूचना पाएपछि भूगर्भविदको टोलीले स्थलगत अनुगमन गरेको छ । भूगर्भविदको टोलीले त्यहाँ ८ देखि १३ प्रतिशतसम्म मिथेन ग्याँस रहेको बताएको छ। आगलागीको जोखिम हुन सक्ने भएकाले त्यहाँ रातिसम्मै सेना र प्रहरी परिचालन गरिएको थियो।

प्रकाशित मिति: बुधबार, साउन ४, २०७९ १०:१६

प्रतिक्रिया दिनुहोस्