२४ करोड लागतमा ओखलढुंगा–सिन्धुली जोड्ने पुल निर्माण

सडक तथा पुल

गृहपृष्ठ
सडक तथा पुल
२४ करोड लागतमा ओखलढुंगा–सिन्धुली जोड्ने पुल निर्माण

२४ करोड लागतमा ओखलढुंगा–सिन्धुली जोड्ने पुल निर्माण

शुक्रबार, साउन १३, २०७९ निर्माणपाटी संवाददाता

ओखलढुंगा। ओखलढुंगा र सिन्धुलीलाई जोड्ने नवलपुरको पक्की पुल निर्माण सम्पन्न भएको छ। पुलको सबै काम सम्पन्न भइसकेको र २० साउनभित्र उद्घाटन गर्ने तयारी रहेको छ।

पुल निर्माण भएसँगी स्थानीय खुसी भएका छन्। करिब २३ करोड लागतमा बनेको पुल २ सय मिटर लामो छ । पुलमा पाँचवटा स्पानहरू रहेका छन् भने पुलको चौडाइ ११ मिटरको छ ।

दुईवटा ठूला सवारीसाधन सहजरूपमा पार गर्न सक्नेछन् । निरीक्षणपछि सञ्चारकर्मीसँग बोल्दै भौतिक पूर्वाधार तथा यातायात मन्त्रालयअन्तर्गतको पुल सेक्टरका आयोजना प्रमुख केदार नेपालले यो पुल २०७३ को असार अन्तिममा सुरु भएको र २०७६ सम्म नै सकिसक्नुपर्ने भए पनि कोरोना महामारीको कारण काम केही ढिला गरी सकिएको बताए । उनले पुल सम्पन्न भइसकेको र यातायात सञ्चालनको अन्तिम चरणमा रहेको बताए । नेपालले पुल निर्माण गर्न कुल २४ करोड रुपैयाँ लागेको बताए ।

त्यस्तै, पूर्वसांसद एवं नेपाली कांग्रेसका केन्द्रीय सदस्य रामहरि खतिवडाले ओखलढुंगा, सोलुखुम्बु, खोटाङलगायतका जिल्लामा पहाड–तराई जोड्ने पक्की पुल आफू सांसद हुँदा नभएकोले पूर्वाधार विकासमा पहिलो जोड दिएको बताए । उनले यो पुल निर्माणपछि काठमाडौंसँग जोडिन ओखलढुङ्गा, सोलुखुम्बु, खोटाङका नागरिकलाई सहज र छिटो हुने बताए । उनले पक्की पुल निर्माणसँगै नजिकका जिल्लाका पर्यटकीय स्थलको सम्भावना बढ्ने बताए ।

पुल निर्माण नहुँदा डुङ्गाबाट नै आवतजावत हुने गरेको, जसले विभिन्न दुर्घटनाहरू निम्तिने गरेकोले अब यी समस्याबाट छुटकारा मिल्ने स्थानीयहरूको भनाइ छ । पुलले ओखलढुंगाका जनताको कृषिसहित अन्य विभिन्न आवश्यकतालाई सहज बनाइदिएको छ । सिन्धुली जिल्लाबाट ओखलढुङ्गाको लिखु गाउँपालिका जोड्ने यो पुल सञ्चालनमा आएलगत्तै सोलुखुम्बु र रामेछापको पूर्वी भेगलाई आवत–जावतमा सहज हुनेछ ।

प्रकाशित मिति: शुक्रबार, साउन १३, २०७९ ०६:५५

प्रतिक्रिया दिनुहोस्