काठमाडौं। टोखा नगरपालिकामा पोषण शिविर तथा स्वास्थ्य जीवनको लागि सु–पोषण सचेतना मुलक कार्यक्रम सम्पन्न भएको छ। उक्त कार्यक्रम हिजो (शनिबार) बिहान ७ बजे बाट सुरु गरेर ११ बजे समापन गरेको हो।
'असल पोषण आहार स्वस्थ्य जिवनको आधार' भन्ने मुल नाराका साथ नेपाल डाइतिसियन एसोसियसन को आयोजना नेवाः मिसा दबुटोखा नगर कमीटीको व्यवस्थापन र टोखा न पा ३ नं वडा को सहयोगमा उक्त कार्यक्रम आयोजना भएको हो। सो कार्यक्रममा प्रमुख अतिथि निवर्तमान उपप्रधान तथा रक्षामन्त्री माननीय इश्वर पोखरेल,विषेस अतिथी टोखा न.पा ३ नं अध्यक्ष रमेश डंगोल अतिथि समाज सेवी मनिराज डंगोल वडा सदस्य शान्ता राई र हरिकृष्ण श्रेष्ठ उपस्थित भएका थिए।
सो कर्यक्रम शरीर जाँच, सेमिनार र स्टल निरीक्षण गरी तीन भागमा विभाजन गरी सञ्चालन गरीएको थियो। सरिर जाँच अन्तरगत प्रेसर,सुगर,उचाइ,बिएमआइ,फ्याट जाँच गरिएको थियो। सेमिनार कार्यक्रम अन्तर्गत डा.रविनलाल श्रेष्ठ, डा.बिकास श्रेष्ठ, डा. इतिसियन नेपालका अध्यक्ष्य नानीसोभा शाक्य र हिरा देवी डंगोलले छुट्टाछुट्टै विषयमा सेमीनार सेसन सञ्चालन गरेका थिए। सो कार्यक्रमो प्रमुख अतिथि इश्वर पोखरेलले हामीहरु खाना खान नपाएर भन्दा पनी खाना खान नजानेर बिमारी परिरहेको र वर्तमान अवस्थामा टोखाकै सान टोखाको पहिलो नर्स हिरा देवी डंगोल नेपाली दाजुभाइहरुको स्वास्थ्यलाइ ख्यालमा राखी आयोजना गरेकोे कार्यक्रमा सम्पुर्ण टोखावासीहरुलई सेवा सुविधा लिन अनुरोध गरे।
यसका साथै आफुले पनी स्वास्थ्य सम्बन्धी ज्ञान हासिल गर्न पाउँदा खुसीलागेको व्यक्त गरे। उनले हामीहरु खाना खान नपाएर हैन खानेकरा खान नजानेर बिमारी परीरहेको बताए। विषेश अतिथि रमेश डंगोलले स्वस्थ्य जिवन र देशबिकाशको लागी पौष्टीक आहारको महत्वपुर्ण भुमीका हुने बताउदै कार्यक्रम सफलताको शुभकामना समेत दिए।
व्यवस्थापक नेवाःमिसा दबू टोखा नगर कमिटिका अध्यक्ष सुमिता महर्जनले मानव जिवन संग प्रत्यक्ष सरोकार राख्ने पोषण शिविर कार्यक्रमको व्यवस्थापन गर्ने अवसर दिएकोमा डाइतिसियन एसोसियसनलाई नेपाललाई धन्यवाद ज्ञापन र्गनुका साथै कार्यक्रममा उल्लासमय सहभागीता जनाइ कार्यक्रम सफलता परिदिने आमाबुबा दाजुभाई तथा दिदी बहिनीहरुले यहाँबाट हासील गरेका ज्ञान बर्दक कुराहरु दैनिक जिवनमा अवलम्बन गर्दै स्वस्थ्य जिवन यापन मा अग्रसर हुन आग्रह गर्दै आगामी दिनहरुमा पनि मानव जिवन संग सम्बन्धित कार्यक्रमहरु समय सापेक्ष विभिन्न स्वास्थ्य संथाहरुको सहकार्यमा गर्दै जाने बताईन्।
कार्यक्रममा नेपाल डाइतिसियन एसोसियसनको तर्फबाट हिरा देवी डंगोलले कार्यक्रम भब्य र सब्य रुपमा सफल भएको र आगामी दिनहरुमा पनी यस्तै मानव स्वास्थ्या संग प्रत्यक्ष्य सरोकार राख्ने कार्यक्रमहरु गर्दै जाने बाचा गरिन्। कार्यक्रम सफल पार्न अहोरात्र खटिनुहुने सम्पुर्ण नेवाःमिसा दबूका पदाधिकारी सदस्य हरुलाई ,टोखा न पा ३ नं वडा कार्यालय र कार्यक्रमा स्थल प्रदान गरिदिएकोमा सरश्वती माध्यामिक विद्यालयलाइ धन्यबाद दिए।
