१० दिनभित्र काठमाडौंका नदी किनारामा रहेका सुकुम्बासी बस्ती हटाउन सूचना

भवन तथा शहरी विकास

गृहपृष्ठ
भवन तथा शहरी विकास
१० दिनभित्र काठमाडौंका नदी किनारामा रहेका सुकुम्बासी बस्ती हटाउन सूचना

१० दिनभित्र काठमाडौंका नदी किनारामा रहेका सुकुम्बासी बस्ती हटाउन सूचना

शनिबार, कात्तिक २६, २०७९ निर्माणपाटी संवाददाता

काठमाडौँ। अधिकारसम्पन्न बागमती सभ्यता एकीकृत विकास समिति काठमाडौँले उपत्यकाका नदी किनारामा रहेको सुकुम्बासी बस्ती हटाउने सूचना जारी गरेको छ । समितिले शुक्रबार सूचना जारी गर्दै नदी किनारामा अनधिकृत रूपमा निर्माण भएका घरटहरा तथा निर्माण सामग्री र सवारीसाधन हटाउन १० दिन समय दिएको हाे ।

समितिले उक्त अवधिभित्र नदी किनारा खाली गरेको नपाइएमा सूचनाको अवधि सकिएको मितिपछि काठमाडौँ महानगरपालिका तथा अन्य सरोकारवाला निकायसँगको सहयोग लिएर अनधिकृत संरचना भत्काइने बताएको छ ।

सूचनाअनुसार अनधिकृत संरचना भत्काउन क्षेत्र खाली गर्दा/गराउँदा लाग्ने सम्पूर्ण खर्चसमेत सम्बन्धित व्यक्ति वा संस्थाबाट सरकारी बाँकीसरह असुलउपर गरिने चेतावनीसमेत दिइएको छ ।

काठमाडौँ उपत्यकाभित्रका बागमती र यसका सहायक नदी किनाराको मापदण्डभित्र अनधिकृत रूपले बनाइएका घर/टहरा तथा थुपारिएका निर्माण सामग्री र सवारीसाधनका कारण नदीको दुवै किनारातर्फको सौन्दर्यकरण कार्यमा गम्भीर अवरोध पर्न गएको समितिको सूचनामा उल्लेख छ ।

प्रकाशित मिति: शनिबार, कात्तिक २६, २०७९ ०८:४७

प्रतिक्रिया दिनुहोस्