कैलाली। सुदूरपश्चिम प्रदेश निर्माण व्यवसायी महासंघको १६ औं वार्षिक साधारणसभा तथा ८ औं अधिवेशनबाट लक्ष्मणकुमार स्वार विजयी भएका छन् ।
स्वारले आफ्ना प्रतिपक्षी हरिप्रसाद भट्टलाई १०९ मतले पराजित गर्दै अध्यक्षमा निर्वाचित भएका हुन् । स्वारले २१५ मत ल्याउँदा भट्टले १०६ मत मात्रै प्राप्त गरेका छन् ।
संघको वरिष्ठ उपाध्यक्षमा कमलेशकुमार कपाडी विजयी भएका छन् । कपाडीले गंगाबहादुर शाहलाई पराजित गरेका छन् । कपाडीले १९२ मत प्राप्त गर्दा शाहले १२० मत मात्रै प्राप्त गरेका छन् ।
त्यस्तै उपाध्यक्षमा लक्ष्मणबहादुर साउद २३२ र मदन मोहन बिष्ट १२१ मत प्राप्त गरी विजयी भएका छन् । उपाध्यक्षका प्रत्यासीद्वय रघुबिर सिंह साउदले ११२ र रमेश सिंह खडायतले ८६ मत मात्रै प्राप्त गरेका थिए ।
त्यस्तै संघको महासचिवमा खेमराज जोशी २०२ मत प्राप्त गरि विजयी भएका छन् । महासचिवका प्रत्यासी चन्द्रबहादुर शाहले ११२ मत मात्रै प्राप्त गरे ।
यसैगरी नीतिगत उप(महासचिवमा आङदावा शेर्पा विजयी भएका छन् । शेर्पाले २०२ मत प्राप्त गर्दा यज्ञराज जोशीले ११५ मत मात्रै ल्याएका छन् ।
संघको आन्तरिक उप–महासचिवमा राजेश गिरि विजयी भएका छन् । गिरिले दर्शनबहादुर खड्कालाई ५३ मतले पराजित गरेका छन् । गिरिले १८२ मत ल्याउँदा खड्काले १२९ मत मात्रै ल्याएका छन् ।
यसैगरी, सदस्यहरूमा ललितबहादुर बोहरा, शुनिल कुवंर , केशव राज भट्ट, पदम बहादुर भण्डारी र आशिषकुमार खत्री विजयी भएका छन् ।