काठमाडौं। नविकरणीय तथा दिगो ऊर्जा विकासको लागि समसामयिक एवम् अनुसन्धान आधारित शिक्षा प्रणाली सम्बन्धी अन्तर्राष्ट्रिय गोष्ठी हुने भएको छ।
काठमाडौं विश्वविद्यालयले मंसिर २० र २१ गते धुलिखेलमा दुइ दिने अन्तर्राष्ट्रिय गोष्ठी आयोजना गर्न लागेको हो।
काठमाडौं विश्वविद्यालयले नर्वे, बंगलादेश, श्रीलंकाका विश्वविद्यालयहरु संगको सहकार्यमा गोष्ठीको आयोजना गरेको हो ।
यो गोष्ठी विश्वव्यापी शैक्षिक सहयोगको लागि नर्वेजियन साझेदारी कार्यक्रम अन्तर्गतको परियोजना ‘नविकरणीय उर्जा तथा चक्रिय अर्थतन्त्र विकासका लागि अनुसन्धानमा आधारित शिक्षा प्रणाली २०२२–२०२६’ एक भाग हो ।
यस गोष्ठीको मुख्य उदेश्य नविकरणिय तथा दिगो उर्जा विकासमा कार्यरत शिक्षण संस्था, सरकारी तथा गैर सरकारी संस्था, निजी व्यवसायीहरुलाई एकै ठाउँमा ल्याउने रहेको छ ।
यसले नविकरणीय तथा दिगो उर्जा विकासका समस्या र अवसरहरु, प्रविधि हस्तान्तरण र अनुसन्धानमा आधारित शिक्षा प्रणाली विकासका सम्भावनाहरुका बारेमा छलफल तथा अनुभव आदानप्रदान गरिने रिन्युवेबल एण्ड सस्टेनेबल इनर्जी ल्याबोरेटोरी प्रमुख, सुनिल प्रसाद लोहनीले बताए।
गोष्ठीमा ७ राष्ट्र र १२ राष्ट्रिय तथा अन्तर्राष्ट्रिय विश्वविद्यालयबाट ६०–७० जना सहभागी रहनेछन् । गोष्ठीको मुख्य आकर्षण अमेरिका, अस्ट्रेलिया र नर्वेका प्रतिष्ठित प्राध्यापकहरुको वक्तब्य, उच्चस्तरीय प्यानल बीच विचारविमर्स तथा सहभागीबीच समुहगत छलफल हुनेछ ।
